Hörður Torfa

Heimasíða Harðar Torfasonar

Svona verður þessi sumardagur.

hordursjalfur's picture


Ég er eins nálægt kæruleysismörkum og ég kemst þessa daga. Er þó að vinna að nýjum söngvum og að hljóðrita þá. Sennilega hæfir orðið afslappaður öllu því sem ég geri nú um stundir.

Ánægjulegur og fróðlegur fundur.

hordursjalfur's picture

Ánægjulegum og fróðlegum rúmlega tveggja tíma fundi í þettsetnum sal Hornsins lokið. Sigurbjörg Sigurgeirsdóttir vakti mikla hrifningu og fékk fjölda fyrirspurna sem hún svaraði skýrt og greinilega. Þegar ég fór af svæðinu sat og stóð hópur fólks í sólinni og ræddi málin. - Umræðufundur um Stjórnlagaþing verður næsta sunnudag á sama stað og sama tíma en þá mun Svanur Kristjánsson, stjórnmálafræðingur tala.

 

Óþörf meðvirkni.

hordursjalfur's picture
Engum duldist að Bosshönnuðu búningar nasistanna voru glæsilegir og áhrifamiklir. En það sem skipti máli var það sem bjó í hugsun og ásetningi þeirra sem báru þá og afleiðingum verka þeirra. Viðbjóður og grimmd á hæsta stigi. Klæðnaður manna eru grímur sem villa oft fyrir. 

Áhugaverður og fræðandi fundur

hordursjalfur's picture

Fyrsti sunnudagurinn í mai á Horninu þar sem Páll Skúlason ræddi við okkur var að allra mati áhugaverður og fræðandi. Hann stóð í rúman klukkutíma og eftir erindi sitt svaraði Páll fyrirspurnum úr sal. Það mátti heyra saumnál detta á meðan Páll talaði. Það var bætt við mörgum aukastólum án þess að þrengsli sköpuðust og erfiðleikar við veitingasölu.

Það voru alllir sem ég talaði við mjög ánægðir með þetta framtak og tilhlökkum er með áframhaldið. Kærar Þakkir Páll Skúlason og gestir.

Þrír sunnudagar og einn mánudagur í mai

hordursjalfur's picture
Þrír sunnudagar og einn mánudagur í mai

Umræðufundir um stjórnlagaþing

hordursjalfur's picture

 

Skellti mér í það á mánudagsmorgni að koma á nokkrum opnum umræðufundum um stjórnlagaþing núna í mai mánuði. Ég hafði rætt þetta við Sigurð Hr. Sigurðsson og við urðum ásáttir um að hann aðstoðaði mig við að útvega ræðufólk. Ég gekk frá samkomulagi við eigendur Hornsins sem tóku hugmyndinni mjög vel.

 

Niðurstaðan er að fyrsti fundurinn verður haldinn á Horninu n.k. sunnudag 2 mai kl. 15.00 og mun Páll Skúlason, prófessor í heimspeki ræða „um nauðsyn þess að rækta ríkið“.

 

 

Hrun

hordursjalfur's picture

Hrun heillar þjóðar er merkileg upplifun af því að maður er hluti þjóðarinnar. Þetta er að gerast í mínu lífi og allra íslendinga hvort sem okkur líkar betur eða verr. Þetta er ekki neitt sem ég bað um eða vildi en ég kemst ekki framhjá á einn eða annan hátt, frekar en aðrir. Hér þýða engin Pollýönnutök, því illu heilli, þetta bitnar á lífi mínu frá því að ég vakna þar til að ég sofna, alla daga og hefur gert síðan í septemberlok 2008. Og nú er komið undir lok apríl 2010.

Mannréttindi

hordursjalfur's picture
Réttindi manna eru oft það fyrsta sem er látið fjúka þegar almenn reiði grípur um sig. Þá rísa upp einstaklingar eða hópar sem sjá ekkert athugunarvert við að ráðast að heimilum fólks sem það er reitt.

Hversvegna segja þau ekki af sér?

hordursjalfur's picture

Björgvin G. Sigurðsson, Illugi Gunnarsson og Þorgerður Katrín Gunnarsdóttir hafa ákveðið að taka sér tímabundið frí frá Alþingisstörfum.  

Ekki við heimili fólks

hordursjalfur's picture

Hér glymur síminn og í honum er rödd manns sem vill að ég komi og mótmæli fyrir utan heimil Þorgerðar Katrínar. Svo sannarleg styð ég það að Þorgerður Katrín og fleiri ráðamenn segi umsvifalaust af sér og axli ábyrgð. Við, íslenska þjóðin, höfum verið blekkt illilega og svikin og framin á okkur mannréttindabrot. En það gefur okkur ekki rétt á að brjóta á öðru fólki.

Syndicate content