1961-1970

1970

# Ég lauk leiklistarnámi frá Leiklistarskóla Þjóðleikhússins 15 mai. 
# Ég teiknaði og smíðaði leiktjöld og valdi búninga í útskriftarverkefni okkar ásamt að leika í tveimur þeirra; Eitt pund borðiðSælustaður sjúklinganna ( Rauði Trefill ) og Helreiðin ( Bartley). 
# Ég lék í söngleiknum Fiðlaranum á þakinu fram eftir sumri.

# Vann að gerð stórra auglýsingaskilta fyrir sýninguna "Heimilin" sem haldin var í Laugardagshöll um vorið.
# Kom oft fram í Þjóðlagaklúbbnum Vikivaki í Tónabæ. 
# Um sumarið tók ég upp mína fyrstu hljómplötu hjá SG hljómplötum: Hörður Torfason syngur eigin lög
#  Íslenska sjónvarpið gerði 25 mínútna þátt þar sem ég flutti lög af væntanlegri plötu. 
# Um sumarið vann ég líka hjá " Light nights " leikhúsinu á ensku. Þar sá ég um alla tónlistarhlið sýningarinnar og stofnaði tríóið „Þrír undir sama hatti ". Í því voru auk mín Sverrir Ólafsson og Moody Magnússon. Tríó þetta kom einnig fram á ýmsum skemmtunum víða um landið það sumar.
# Þetta ár starfaði ég líka sem ljósmyndafyrirsæta. 
# Ég lék hjá Þjóðleikhúsinu um haustið fram eftir vetri.
# Þann 12 desember hélt ég til Kaupmannahafnar til að kynna mér og helst starfa í pólitísku leikhúsi.

1957 - 1968 - 1969

# Ég var farinn að flytja söngva mína víða annaðhvort einn míns liðs eða ég fékk aðra með mér. Ég kom oft fram í Þjóðlagaklúbbnum Vikivaki í Tónabæ. 

Veturinn 1968/69 var mér boðið að semja nokkur lög við ljóð um Ingu Dóru eftir Jóhannesar úr Kötlum í barnastund hjá Ríkisútvarpinu á Skúlagötu. Þar með var ég kominn á par við Ingibjörgu Þorbergs og Sigfús Halldórsson, höfunda sem sömdu lög við ljóð annarra og fluttu við eigin undirleik. Það var þá sem ég kynntist Ingibjörgu Þorbergs og átti eftir að eiga margar spjallstundir við hana næstu árin.
# Allt sumarið 1967 undirbjó Ævar mig fyrir inntökupróf fyrir leiklistarskóla Þjóðleikhússsins og um haustið komst ég þar inn. 
# Vann við húsaviðgerðir á sumrin á námsárunum hjá Karli Sigurðssyni.

# Ég lék og dansaði í eftirtöldum leiksýningum Þjóðleikhússins frá 1967 til 1973: 
Þrettándakvöld. ( Hirðmaður. ) Íslandsklukkan. ( Hrossastrákur á þingvöllum.) Brosandi Land. ( Dansari o.fl.) Síglaðir söngvarar. ( Glaður gestur,nautið Napóleon o.fl.) Fiðlarinn Þakinu. ( Fyedka.) Mörður Valgarðsson. ( Ýmis smá hlutverk ) Höfuðsmaðurinn frá Köpernik. ( Deltzeit + hermaður+dansari) Oþelló. ( Farmaður og hljóðfæraleikari ) Túskildingsóperan. ( Betlari og lögreglumaður.) Glókollur. ( Prinsinn af Hóenhó ) Indjánar ( Jesse James og indjánadansari ) Kabarett ( Dansari ) Hafið bláa hafið ( Diegó.) 
# Ég vann í sjálfboðastarfi ýmis störf hjá Leikfélaginu Grímu í Tjarnarbíói á námsárunum. 
# Á námsárunum vann ég á auglýsingateiknistofu hjá Sverri og Heiðu á Laugarvegi 87. 

1966 

#   Ég vann hjá Silla og Valda á Rauðarárstíg. Haustið 1966 skráði ég mig á vetrarlangt framsagnarnámskeið í leiklistarskóla Ævars R. Kvaran.  Rétt eftir áramótin hvatti Ævar mig óspart til að sækja um í leiklistarskóla Þjóðleikhússins þá um haustið sem ég og gerði undir hans leiðsögn. 

1961 – 1965

# Næstu ár vann ég sem verkamaður, einkabílstjóri, málaranemi, verslunarmaður, lyftaramaður, þjónn, háseti og á síldarplani á Breiðdalsvík. Ég var byrjaður á þessum árum að troða upp með söngva mína hér og þar sem ég fór um. Sérstaklega sumarið 1964 austur á Breiðdalsvík og Stöðvarfirði. Stundaði dansnám hjá Dansskóla Hermanns Ragnars og Djassballettskóla Báru.

1961

# Ég lauk gagnfræðaprófi frá verslunarsviði Gagnfræðaskóla Austurbæjar.

1957 

Um haustið flutti ég, í fyrsta sinn opinberlega, söngva eftir mig og spilaðiundir á gítar í Kirkju Óháða safnaðarinns í Reykjavík.