Írar þakka fyrir sig.

Frá 11.okt.´08 hef ég verið í viðtölum við erlenda fjölmiðla, sjónvarp,tímarit, dagblöð og útvarp og jafnvel settur í kvikmyndir. Auðvitað voru þau nokkur á hverjum degi í byrjun en síðan hefur lengst á milli þeirra. Þetta fer að nálgast hundrað viðtöl. Sum útvarpsviðtölin hafa verið í beinni svo sem eins og í Danmörk, Svíþjóð og Írlandi. Erlendir fréttamenn sjá atburðina öðrum augum en innlendir og spyrja áhugaverðra spurninga. Íslenskir fréttamenn eru annað hvort staublindir af eigin hagsmunum eða hræðslu. Menn sjá ekki skýrt það sem næst þeim er.  

En öll þessi viðtöl hafa fylgt framtaki mínu á Austurvelli og mér þótt sjálfsagt að útskýra málin. Hefur aldrei hvarflað að mér að ég fengi krónu fyrir slíka vinnu, ekki fremur en við mótmælin. Í gær brá þó öðruvísi við því ég fékk ávísun í pósti uppá 80 evrur fyrir viðtal við Radio Telefís á Írlandi. Fyrstu launin fyrir 6 mánað vinnu.

22.03.´10